Tsab Ntawv Ceeb Toom Rau Pej Xeem Fresno Housing yuav Hloov Kho Nws Cov Cai Tswj Hwm Lub Koom Haum Housing Authority ntawm Lub Nroog Fresno thiab Lub Koom Haum Housing Authority ntawm Fresno County (Fresno Housing) muaj lub hom phiaj yuav hloov kho nws lub Cai Tswj Hwm xyoo 2026 rau cov kev pab cuam Housing Choice Voucher (HCV). Fresno Housing xav hloov kho cov cai tswj hwm nram qab no: - Fresno Housing muaj lub hom phiaj yuav hloov pauv nws txoj cai txhawm rau txo tus nqi pab them nqi tsev (payment standard) thaum lub sij hawm daim ntawv cog lus HAP tseem siv tau, pib ntawm lub sij hawm rov tshawb fawb xyuas nyiaj txiag txhua xyoo (annual reexamination) zaum thib ob. Tam sim no, PHA tsis tau txo tus nqi pab them nqi tsev rau cov tsev neeg uas muaj daim ntawv cog lus HAP tsuav yog daim ntawv cog lus ntawd tseem siv tau. - Fresno Housing muaj lub hom phiaj yuav pib soj ntsuam cov nyiaj tau los uas tsev neeg tau qhia tias nce ntxiv, los ntawm kev tshawb fawb xyuas nyiaj txiag nruab nrab (interim reexamination) txhawm rau xam tus nqi tsev tshiab uas tsev neeg yuav tsum tau them thiab tus nqi pab them tshiab. Txoj cai tshiab no yuav hloov pauv txoj cai tam sim no uas hais tias tsev neeg yuav tsum qhia txog kev nce nyiaj tau los, tab sis yuav tsis tau xam nce nqi tsev txog thaum lub sij hawm rov tshawb fawb xyuas nyiaj txiag txhua xyoo tom ntej. Cov ntaub ntawv PHA Plans uas tau thov no yuav muaj rau sawv daws saib thiab muab tswv yim rau hauv 45 hnub nyob rau ntawm www.fresnohousing.org/plans-policies pib txij li hnub tim 2/6/2026, mus txog rau hnub tim 3/23/2026, thaum 11:59 PM. Peb txhawb kom sawv daws muab tswv yim thiab tuaj yeem xa ntawv tuaj rau Fresno Housing – Attention Administrative Plan Public Comment, 1331 Fulton Street, Fresno, CA 93721; los ntawm emailing agencyplans@fresnohousing.org; los sis nu rau (559) 441-2369. Cov lus tswv yim los ntawm pej xeem kuj tuaj yeem xa tau rau hauv lub vev xaib ntawm www.fresnohousing.org/plans-policies. Ntxiv mus, Fresno Housing Cov Thawj Coj (Boards of Commissioners) yuav muaj ib lub rooj sib tham rau pej xeem thaum lub rooj sib tham li niaj zaus nyob rau hnub tim 2/24/2026, pib thaum 5:00 PM txhawm rau mloog cov tswv yim los ntawm pej xeem txog cov Cai Tswj Hwm (Administrative Plans) xyoo 2026. Cov neeg uas xav koom nrog tuaj yeem saib thiab koom lub rooj sib tham hauv online (hybrid) los ntawm Zoom lossis hu xov tooj raws li cov lus qhia uas muaj nyob rau hauv Fresno Housing lub website ntawm www.fresnohousing.org/boarddocuments los sis tuaj koom ntawm lub chaw sib tham: 1260 Fulton Street (2nd Floor), Fresno, CA 93721. IPL0311390 Feb 6 2026