TSAB NTAWV CEEB TOOM TXOG LUB ROOJ SIB HAIS RAU PEJ XEEM THIAB NCUA SIJ HAWM MUAB LUS TAWM TSWV YIM RAU PEJ XEEM HAUV 30-HNUB HAIS TXOG QHOV KEV TXAIS YUAV NTAWM TXOJ PHIAJ XWM MUAB LOS UA KE THIAB TXOJ PHIAJ XWM KEV NQIS TES UA HAUV TXHUA XYOO NTAWM CDBG XYOO 2026-2030 THOV CEEB TOOM QHIA RAU SAWV DAWS PAUB tias Nroog Clovis yuav ua kev tshuaj xyuas thiab muab ncua sij hawm muab lus tawm tswv yim txog ntawm Txoj Phiaj Xwm Muab Los Ua Ke Xyoo 2026-2030 (thiab Txoj Phiaj Xwm Kev Nqis Tes Ua Txhua Xyoo) rau pej xeem li 30-hnub uas pib nyob rau Lub Plaub Hlis Ntuj Tim 3, 2026, thiab xaus hauv Lub Tsib Hlis Ntuj Tim 3, 2026, los muab lub hwv tsam rau cov pej xeem thiab cov koom haum uas xav koom nrog los qhia txog lawv cov kev xav txog Lub Nroog qhov kev txhim kho Txoj Phiaj Xwm. Cov ntawv theej ntawm Txoj Phiaj Xwm yuav muaj nyob rau ntawm cov chaw hauv qab no: Tuam Ceeb Nroog Clovis: 1033 Fifth Street, Clovis, CA 93612 Lub Chaw Pab Cuam Neeg Laus Hauv Clovis: 735 Fifth Street, Clovis, CA 93612 Lub Chaw Thauj Neeg Hauv Clovis: 785 Fifth Street, Clovis, CA 93612 Lub Chaw Nyeem Ntawv Rau Sawv Daws Hauv Cheeb Nroog Fresno hauv Clovis: 1155 Fifth Street, Clovis, CA 93612 Lub Chaw Ua Si Hauv Clovis: 3495 Fifth Street, Clovis, CA 93612 Nroog Clovis lub Vevxais: www.clovisca.gov Nroog Clovis cov chaw tshaj xov xwm zej tsoom, xws li: Facebook, Instagram, thiab NextDoor ** Txhua qhov chaw saum toj no muaj hauv kev nkag tau yooj yim uas npaj txhij rau cov neeg uas muaj teeb meem kev txav mus los. Txoj Phiaj Xwm Muab Los Ua Ke Yuav tsum tau muaj Txoj Phiaj Xwm Muab Los Ua Ke txhawm rau kom Lub Nroog tau txais Lub Khoos Kas Pab Cuam Nyiaj Pab Uas Cuam Tshuam Txog Kev Txhim Kho Zej Zos (Community Development Block Grant, CDBG) uas pab nyiaj los ntawm Teb Chaws Mes Kas Lub Thawj Fab Saib Xyuas Hauj Lwm Kev Txhim Kho Vaj Tse Nyob thiab Hauv Nroog (U.S. Department of Housing and Urban Development, HUD). Yuav tsum tau siv CDBG cov nyiaj pab rau cov dej num uas ua tau raws li ib qho ntawm peb lub hom phiaj hauv teb chaws, uas yog: kev ceev tej vaj tse nyob uas zoo tsim nyog, kev muab huab cua ib puag ncig kev ua neej nyob kom phim thiab/los sis kev nthuav dav cov hwv tsam fab kev khwv noj khwv haus. Tsim Txoj Phiaj Xwm Muab Los Ua Ke los txiav txim siab seb yuav ua tau raws li cov hom phiaj no li cas hauv ncua sij hawm tsib-lub xyoo hauv Nroog Clovis. Kev npaj tej peev nyiaj yuav tsum muab saib ua qhov tseem ceeb tshaj plaws rau cov dej num uas ua kom tau txais txiaj ntsig rau cov neeg muaj nyiaj khwv tau los qis-pes nrab, pab tiv thaiv los sis tshem tawm cov koog zej zog uas neeg coob dhau los sis cov chaw puas tsuaj uas nyob tsis tau lawm, thiab/los sis ua kom tau raws li lwm cov kev xav tau txog kev txhim kho lub zej zog yam maj rawm. Txoj Phiaj Xwm Kev Nqis Tes Ua Hauv Txhua Xyoo Lub hom phiaj ntawm Txoj Phiaj Xwm Kev Nqis Tes Ua Hauv Txhua Xyoo yog muaj los qhia kom pom tias seb kev pab nyiaj ntawm Lub Nroog Lub Khoos Kas Pab Cuam CDBG yuav tau txais kev nthuav dav hauv lub xyoo khoos kas 2026-2027 li cas hauv txoj hau kev uas hais daws tau cov kev xav tau, kev muab saib ua qhov tseem ceeb tshaj plaws thiab cov hom phiaj uas tau muaj nyob hauv Lub Nroog Txoj Phiaj Xwm Muab Los Ua Ke xyoo 2026-2030 uas tau thov tuaj. Cov kev faib nyiaj CDBG xyoo 2026-2027 los ntawm Teb Chaws Mes Kas Lub Thawj Fab Saib Xyuas Hauj Lwm Kev Txhim Kho Vaj Tse Nyob thiab Hauv Nroog (Housing and Urban Development, HUD) tseem tsis tau raug muab tshaj tawm, tab sis Clovis khwv yees hais tias yuav tau txais kev faib nyiaj txiag txog $710,000. Cov nyiaj uas tau txais, ua ke nrog $87,951 ntxiv hauv cov nyiaj pab tag nrho yuav ua rau muaj nyiaj tag nrho yog $797,951 hauv cov nyiaj CDBG uas yuav raug muab faib rau xyoo khoos kas 2026-2027. Qhov kev siv cov nyiaj uas tau hais qhia nyob rau xyoo lub khoos kas pab cuam 2026-2027 yog muaj raws li nram qab no: Kev Kho Vaj Tsev - $130,000 Lag Luam Chav Ua Noj Qib Me - $87,000.00 Cov Dej Num Tsim Kev Paub Rau Cov Neeg Laus Hauv Clovis - $40,000.00 Lub Chaw Pab Cuam Marjaree Mason Cov Kev Pab Cuam Txog Kev Kub Ntxhov Hauv Tsev Uas Tseem Ceeb - $61,491.00 Kev Txhim Kho Cole/Elm Alley - $ 193,000.00 ADA/Kev Txhim Kho Kev Nkag Cuag Tau Rau Kev Taug Kev Taw (Estabrook/Music/Acacia) - $144,460.00 Kev Khiav Haujlwm - $142,000.00 Kev nce siab los sis poob qis hauv theem kev pab nyiaj ntawm CDBG uas khwv yees cia yuav muab los siv rau ADA/Lub Khoos Kas Kev Txhim Kho Kev Nkag Cuag Tau Txoj Kev Taug Taw (Estabrook/Music/Acacia), thiab Kev Tuav Tswj (siab kawg nkaus 20%). Los ntawm daim ntawv ceeb toom no, lub Nroog Clovis caw cov neeg uas muaj kev txaus siab rau, los sis tej zaum yuav raug cuam tshuam los ntawm, cov haujlwm uas tau muab sib tham nyob rau hauv Txoj Phiaj Xwm Muab Los Ua Ke thiab/los sis Txoj Phiaj Xwm Kev Nqis Tes Ua Txhua Xyoo, txhawm rau xa cov lus xam pom ua ntaub ntawv ntawm tus kheej kiag, xa raws xov tooj, xa raws kev xa ntawv los sis raws e-mail (saib cov ntaub ntawv tiv tauj hauv qab no) thiab/los sis mus koom lub Rooj Txiav Txim Rau Sawv Daws txhawm rau muab lawv cov kev xav thiab cov lus xam pom rau. Kev koom tes ntawm pej xeem raug muab xam tias yog ib yam tseem ceeb ntawm tus txheej txheem kev txhim kho Txoj Phiaj Xwm thiab HUD xav kom Cov Nroog tau txais thiab koom tes muab cov lus tawm tswv yim los ntawm pej xeem mus rau hauv nws tus txheej txheem kev npaj phiaj xwm thiab kev tshuaj xyuas. Txhua yam lus xam pom uas tau txais ua ntej thaum 4:30 teev tsaus ntuj nyob rau lub Tsib Hlis Tim 3, 2026, ntawm qhov chaw nyob hauv qab no, thiab cov uas tau tsim nyob rau hauv lub rooj txiav txim rau sawv daws, yuav raug muab xam tias yog thiab suav nrog ua cov ntaub ntawv txuas nrog nyob rau hauv cov ntaub ntawv hais txog Phiaj Xwm Kev Nqis Tes Ua Txhua Xyoo. Tom qab ntawd yuav teeb tsa lub rooj txiav txim rau sawv daws ntawm Pawg Xab Phas Hauv Nroog nyob rau Lub Tsib Hlis tim 4, 2026, thaum 6:00 teev tsaus ntuj hauv nroog Clovis cov Chaw Saib Xyuas Lag Luam uas nyob rau ntawm txoj Kev Thib Tsib 1033 hauv Clovis txhawm rau tshuaj xyuas thiab sib tham txog kev pom zoo ntawm Txoj Phiaj Xwm Kev Nqis Tes Ua. Lub chaw no muaj kev nkag tau yooj yim rau cov neeg uas muaj kev xiam oob qhab. Lus Xam Pom Ntawm Sawv Daws: Xav txhawb kom cov pej xeem thiab cov pab pawg xa cov lus xam pom sau ua ntawv los sis ua lus hais txog ntawm cov tes haujlwm uas tau hais tawm thiab lub Khoos Kas CDBG los ntawm kev tiv tauj rau: Claudia Cazares, Thawj Tswj Hwm Khoos Kas Vaj Tsev 1033 Fifth Street, Clovis, CA 93612 Dhau li no lawm kuj tseem tuaj yeem tiv tauj tau rau Ms. Cázares ntawm (559) 324-2094, los sis raws email ntawm claudiac@clovisca.gov, Hnub Monday txog Friday, txij thaum 8:00 teev sawv ntxov txog 4:30 teev tsaus ntuj Hauv Kev Nkag thiab Cov Kev Pab Cuam Txhais Lus: Yog tias koj yuav tsum tau muaj kev pab ua kom yooj yim raws qhov tsim nyog los sis tsim nyog muaj kev pab txhais lus, kev pab cuam txhais ntaub ntawv los sis kev pab cuam txhais lus kom tau koom rau hauv lub rooj sib tham no, los sis xa cov lus xam pom ntawm sawv daws, ces thov hu rau Claudia Cazares ntawm tus xov tooj (559) 324-2094. Kev ceeb toom 48 teev ua ntej yuav txog thaum muaj lub rooj sib tham yuav ua rau lub Nroog muaj peev xwm tsim tau cov kev npaj raws qhov tsim nyog kom ntseeg tau tias muaj txoj hauv kev nkag. CEEB TOOM TXOG KEV TSIS MUAJ KEV CIAV CAIS: Nws yog txoj cai txhawb ntawm lub Nroog Clovis kom tsis txhob ciav cais raws haiv neeg, xim nqaij, chiv keeb haiv neeg, kab lis kev cai, poj niam txiv neej, thiab kev nyiam rau sab poj niam los sis txiv neej. Yog tias koj muaj ib qhov kev tsis txaus siab los sis kev txhawj xeeb dab tsi, ces thov tiv tauj rau lub Nroog Clovis 504 tus Neeg Cev Ncauj Cev Lus Hauv Lub Khoos Kas ntawm (559) 324-2060. Puas Yog Xav Tau Kev Pab Txog Kev Tiv Tauj Rau Lub Nroog Clovis? Qhov Chaw Pab Cuam Rau Cov Neeg Tsis Taus Hauv California muab Cov Neeg Pab Cuam Txog Kev Txuas Lus uas tau txais kev cob qhia tshwj xeeb rau cov kev sib tham nrog cov neeg tsis taus li ntawm cov neeg lag ntseg, tsis hnov lus zoo, los sis hais tsis tau lus thiab cov neeg uas siv cov xov tooj raws li tus qauv cai. Koj tuaj yeem siv qhov kev pab cuam no los mus tiv tauj rau lub Nroog Clovis los ntawm kev ntaus rau 711. Tsab ntawv ceeb toom no muaj ua lus Spanish thiab/los sis lus Hmoob los ntawm kev tiv tauj rau peb cov chaw ua haujlwm ntawm (559) 324-2060.Esta notificación está disponible en español llamando al (559) 324-2060. Si usted requiere servicios de interpretación o traducción favor de llamar a Claudia Cázares al (559) 324-2094. Yog xav tau daim ntawv Hmoob hu rau peb qhov chaw ua hauj lwm ntawm (559) 324-2060. Yog koj xav tau kev pab txhais lus thov hu rau (559) 324-2060. IPL0326757 Apr 3 2026