CEEB TOOM TXOG LUB NCUA SIJHAWM MUAB LUS TAWM TSWV YIM NTAWM SAWV DAWS THIAB CEEB TOOM TXOG LUB ROOJ TXIAV TXIM RAU SAWV DAWS NROOG CLOVIS XYOO 2024-2025 TSAB NTAWV CEEB TOOM TXOG KEV UA HAUJLWM THIAB KEV NTSUAM XYUAS TXUM XYOO SIB SAU UA KE Lub Nroog Clovis yuav ua kom muaj cov luam qauv ntawm tsab Ntawv Ceeb Toom Txog Kev Ua Haujlwm thiab Kev Ntsuam Xyuas Txum Xyoo Sib Sau Ua Ke (Consolidated Annual Performance and Evaluation Report, CAPER) ntawm lub xyoo 2023-24 uas yog tsab qauv rau lub Phiaj Xwm Pab Nyiaj Tsim Kho Zej Zog (Community Development Block Grant Program, CDBG) uas tau txais kev pab nyiaj los ntawm tsoom fwv teb chaws rau sawv daws saib thiab muab lus tawm tswv yim pib txij lub Yim Hli Ntuj tim 22, 2025 thiab xaus rau lub Cuaj Hli Ntuj tim 8, 2025, thaum 4:30 P.M., nyob rau cov chaw hauv qab no: Lub Tsev Sab Laj Nyob Nroog Clovis: 1033 Fifth Street, Clovis, CA 93612 Lub Tsev Laus Nyob Nroog Clovis: 735 Third Street, Clovis, CA 93612 Lub Chaw Thauj Mus Los Nyob Nroog Clovis: 785 Third Street, Clovis, CA 93612 Lub Tsev Qiv Ntawv Rau Sawv Daws Nyob Cheeb Nroog Fresno hauv Nroog Clovis: 1155 Fifth Street, Clovis, CA 93612 Lub Chaw Ua Si Nyob Nroog Clovis: 3495 Clovis Ave., Clovis, CA 93612 Nroog Clovis Lub Vev Xaib: www.cityofclovis.comCov chaw tshaj xov zej tsoom hauv Nroog Clovis, xws li: Facebook, Instagram, thiab NextDoor ** Tag nrho cov chaw saum toj no puav leej yog cov uas nkag tau lawm rau cov neeg uas muaj kev tsis taus ntawm kev txav mus los. Yuav teeb tsa kom muaj ib lub rooj txiav txim rau sawv daws nyob rau lub Cuaj Hli Ntuj tim 8, 2025, thaum 6:00 p.m. hauv cov Chav Sib Tham Hauv Xab Pha Nroog Clovis uas nyob rau ntawm Txoj Kev Thib Tsib 1033 hauv Clovis txhawm rau ntsuam xyuas thiab sib tham txog kev pom zoo ntawm CAPER. Qhov chaw ntawd yog qhov chaw uas nkag tau rau cov neeg uas muaj kev tsis taus ntawm kev txav mus los. Hauv Tsab Ceeb Toom no, lub Nroog Clovis yuav caw cov pab pawg uas muaj kev txaus siab los sis tej zaum yuav raug cuam tshuam los ntawm cov dej num uas muab tham rau hauv tsab ntawv ceeb toom ntawd, txhawm rau xa ib tsab ntawv muab lus tawm tswv yim ntawm tus kheej kiag, raws xov tooj, raws kev xa ntawv los sis e-mail (saib cov xov xwm tiv tauj hauv qab no) thiab/los sis koom lub Rooj Txiav Txim Rau Sawv Daws txhawm rau muab lawv cov lus kev xam pom thiab lus tawm tswv yim. Kev nkag koom ntawm pej xeem xam tias yog ib yam tseem ceeb ntawm tus txheej txheem ntawm CAPER thiab tau txais kev txhawb siab los ntawm lub Tsev Haujlwm Saib Xyuas HUD hauv Teb Chaws Mes Kas kom tau txais thiab suav sau cov lus tawm tswv yim ntawm sawv daws nkag rau hauv nws qhov kev npaj thiab tus txheej txheem kev ntsuam xyuas. Txhua yam lus tawm tswv yim uas tau txais ua ntej thaum 4:30 P.M. nyob rau lub Cuaj Hli Ntuj tim 8, 2025, ntawm cov chaw nyob hauv qab no, thiab cov lus tawm tswv yim uas muaj nyob rau ntawm lub rooj txiav txim rau sawv daws, yog yam uas yuav tau muab xav txog thiab muab xam nkag raws li yog ib yam uas muab tso nrog rau hauv cov ntaub ntawv CAPER. Lus Tawm Tswv Yim Ntawm Sawv Daws Xav txhawb kom cov pej xeem thiab cov pab pawg xa cov lus tawm tswv yim ua ntawv sau los sis ua lus hais txog ntawm CAPER thiab lub Phiaj Xwm CDBG los ntawm kev tiv tauj rau: Claudia Cázares, Tus Thawj Tswj Hwm Vaj Tse, 1033 Fifth Street, Clovis, CA 93612. Thiab kuj tseem tuaj yeem tiv tauj tau rau Ms. Cázares ntawm (559) 324-2094, los sis raws email ntawm claudiac@clovisca.gov, hnub Monday txog hnub Friday, txij thaum 8:00 A.M. mus txog rau 4:30 P.M. Cov Kev Pab Cuam Txog Hauv Kev Nkag thiab Hom Lus Yog tias koj yuav tsum tau muaj kev pab ua kom yooj yim raws qhov tsim nyog los sis tsim nyog muaj kev pab txog hom lus, kev pab cuam txhais ntaub ntawv los sis kev pab txhais lus kom koom tau rau hauv lub rooj sab laj no, los sis xa lus tawm tswv yim ntawm sawv daws, ces thov caw tiv tauj rau Claudia Cazares ntawm (559) 324-2094. Kev ceeb toom 48 teev ua ntej yuav txog lub rooj sab laj yuav pab ua rau lub Nroog tsim tau cov kev npaj raws qhov tsim nyog kom ntseeg tau hais tias sawv daws nkag tau rau. CEEB TOOM TXOG KEV TSIS SIB CAIS: Nws yog txoj cai txhawb ntawm lub Nroog Clovis kom tsis txhob muaj kev sib cais raws haiv neeg, xim nqaij, keeb kwm haiv neeg, kev ntseeg, poj niam txiv neej, thiab kev nyiam rau sab poj niam txiv neej. Yog tias koj muaj lus tsis txaus siab los sis kev txhawj xeeb dab tsi, ces thov caw tiv tauj rau tus Neeg Cev Ncauj Cev Lus Txog Lub Phiaj Xwm 504 Hauv Nroog Clovis ntawm (559) 324-2060. Puas Yog Xav Tau Kev Pab Tiv Tauj rau lub Nroog Clovis? Lub Chaw Pab Cuam Txog Kev Hloov Pauv Hauv California yuav muab cov Neeg Pab Txuas Lus uas tau txais kev cob qhia tshwj xeeb los rau cov kev sib tham hloov pauv rau cov neeg lag ntseg, tsis hnov lus zoo, los sis hais lus tsis tau thiab cov neeg uas siv lub xov tooj raws qauv Koj tuaj yeem siv qhov kev pab cuam no los tiv tauj rau lub Nroog Clovis los ntawm qhov hu rau 711. IPL0265484 Aug 22 2025